Әлеуметтану қорлар орталығы ОҚО Сарыағаш ауданында «Қазақстан жастарын демократияға оқытуды жетілдіру» атты семинар өткізді

Главная » Жаңалықтар » Әлеуметтану қорлар орталығы ОҚО Сарыағаш ауданында «Қазақстан жастарын демократияға оқытуды жетілдіру» атты семинар өткізді
17.10.2016 00:00

Әлеуметтану қорлар орталығы ОҚО Сарыағаш ауданында «Қазақстан жастарын демократияға оқытуды жетілдіру»

атты семинар өткізді

2016 жылдың 14, 15 қазанындаӘлеуметтану қорлар орталығы Германия Федеративті Республикасы елшілігінің және ОҚО білім басқармасының қолдауымен «Қазақстан жастарын демократияға оқытуды жетілдіру»атты семинар өткізді. Семинар ОҚО Сарыағаш ауданы, Көктерек ауылында орналасқан «Арай Делюкс» санаториясында өтті.

Семинарға Сарыағаш ауданының үш орта мектібінен, атап айтқанда, Гафурова атындағы № 35 мектеп, Айни атындағы № 8 мектеп, Яссауи атындағы № 21 мектеп, елу оқушы қатысты.

Семинарға қатысушылар бір – бірімен еркін жағдайда танысып, білікті жаттықтырушылардың бастамасымен топ құру негіздерін, Қазақстан Республикасының Конституциялық негізін меңгеріп, дауларды шешудің әр түрлі тәсілдерімен және толеранттық, мәдениеттер алуандығы деген ұғымдармен танысты.

Семинар барысында қатысушылар кіші топтарда жұмыс жасап өздерінің білімдерін ортаға салды. Сонымен қатар қатысушылар семинар аясында таңдаған тақырыптарға презентациялар, коллаждар жасап, оларды көпшілікке ұсынып таныстырды, және ситуациялық жағдайларды шешу үшін нормативтік – құқықтық актілермен жұмыс жасады.

Семинар қорытындысы бойынша қатысушылардың барлығына арнайы сертификаттар тапсырылды.

Семинар соңында қатысушылар семинардан алған әсерлерімен бөлісіп, біздің бірнеше төменде келтірілген сұрақтарымызға жауап берді.

- Семинарға қатысудағы мақсатыңыз қандай?

- Семинар барысында не білдіңіз?

- Семинардан қандай әсер алдыңыз?

 Оспанова Диана Болаткызы, ОҚО Сарыағаш ауданының Яссауи атындағы № 21 орта мектебінің 10 сынып оқушысы:

Семинарға қатысудағы мақсатым өзім үшін жаңа ақпарат алып, білімімді шыңдау болды.

Семинар барысында көптеген қоғамда орын алып отырған мәліметтерді білдім, сонымен қатар Конститутция негіздерін толық меңгердім және басқалармен ой бөлісіп, өз ойымды ашық жеткізуді үйрендім.

Семинардан алған әсерім өте тамаша, себебі көп нәрсені білдім және ұғындым. Семинарды  ұйымдастырған   ұйымдастырушыларға тобымыздың атынан өз алғысымызды айтамыз.



Аскаров Ашраф, ОҚО Сарыағаш ауданының С. Айни атындағы № 8 орта мектебінің 11 сынып оқушысы:

Әуел баста семинарға ешқандай құлшыныс танытпадым, бірақ семинар барысында өзімнің пікірімді өзгерттім, себебі тәжірибелі жаттықтырушылыр біздің оқу процесіне деген қызығушылығымызды оята білді.

Семинардан мен Президенттің құқықтық жағдайын, Парламент, Үкімет, сот және прокуратура органдарының құзіретін, сондай – ақ азаматтардың құқықтарын және оларды қорғаудың амалдары мен тәсілдерін білдім.

Семинар өте ұнады, соның ішінде топтарда жұмыс жасау, брейн-ринг, және бізді жұртшылық алдында сөз сөйлеуге үйреткендері.

Ұйымдастырушыларға алғысымыз шексіз.

 

Абдымуталиева Айдын, ОҚО Сарыағаш ауданының Яссауи атындағы № 21 орта мектебінің 10 сынып оқушысы:

Семинарға жаңа білім алып, өз білімімді одан әрі жетілдіру үшін қатыстым.

Семинардан көп ақпарат алдым және осы үшін өте қуаныштымын. Семинар барысында мемлекетіміздің құрылымы туралы, билік нысандары, орталық мемлекеттік органдар, сондай – ақ өз құқықтарым туралы білдім.

Семинардан алған әсерім керемет. Осындай семинарлар жиі болып тұрса деп қалаймын. Сіздерге үлкен рахмет!