Әлеуметтану қорлар орталығы ОҚО Түлкібас ауданы оқушыларына «Қазақстан жастарын демократияға оқытуды жетілдіру» атты семинар өткізді.

Главная » Жаңалықтар » Әлеуметтану қорлар орталығы ОҚО Түлкібас ауданы оқушыларына «Қазақстан жастарын демократияға оқытуды жетілдіру» атты семинар өткізді.
28.11.2016 10:51

Әлеуметтану қорлар орталығы ОҚО Түлкібас ауданы оқушыларына «Қазақстан жастарын демократияға оқытуды жетілдіру» атты семинар өткізді.

2016 жылдың 25, 26 қарашасында Әлеуметтану қорлар орталығы Германия Федеративті Республикасы елшілігінің және ОҚО білім басқармасының қолдауымен «Қазақстан жастарын демократияға оқытуды жетілдіру»атты семинар өткізді. Семинар ОҚО Төлеби ауданы, Жоғарғы Қасқасу ауылында орналасқан «Eco Village KASKASU» демалыс аймағында өтті.

Семинарға Түлкібас ауданының үш орта мектебінен, атап айтқанда, П. Шевцов атындағы жалпы орта мектебі, И.Рыбалко атындағы жалпы орта мектебі, С.Сейфуллин атындағы орта мектебі, қырық бес оқушы қатысты.

Семинар қатысушыларға топ құру негіздерін үйретуден басталды, сондай – ақ білікті жаттықтырушылар мен ерікті қатысушылар (волонтерлар) Қазақстан Республикасының Конституциялық негізін, дауларды шешудің әр түрлі тәсілдерін және толеранттық, мәдениеттер алуандығы деген ұғымдармен таныстырды.

Семинар барысында қатысушылар кіші топтарда жұмыс жасап өздерінің білімдерін ортаға салды және брейнг ринг сұрақтарына жауап берді.

Семинар қорытындысы бойынша қатысушылардың барлығына арнайы сертификаттар тапсырылды.

Семинар соңында қатысушылар семинардан алған әсерлерімен бөлісіп, біздің бірнеше төменде келтірілген сұрақтарымызға жауап берді.

- Семинарға қатысудағы мақсатыңыз қандай?

- Семинар барысында не білдіңіз?

- Семинардан қандай әсер алдыңыз?

Жолдас Жансейіт, ОҚО Түлкібас ауданы, С.Сейфуллин атындағы орта мектептің 11А сынып оқушысы:

Семинарға білімімді жетілдіріп, ой-өрісімді кеңейтіп, демократия туралы, мемлекетіміздің конституциялық құрылымы туралы жаңа мәліметтер алып, пікір бөлісу болды.

Семинар барысында демократияның не екенін, конституцияның неше бөлімнен, баптардан тұратынын, сонымен қатар Президент болу үшін және мемлекеттік органдарға қызметке кіру үшін қандай талаптарға сай келу керек екенін білдім.

Семинарда бізді жылы қарсы алып, жылы шырай танытты. Ұнағаны сергіту сәті жақсы ұйымдастырылған, соның арқасында басқа топтың мүшелерімен еркін жағдайда пікір алмастық. Семинарда өте жақсы, керемет әсер алдым. Ұйымдастырушыларға алғысым шексіз.

Абдукаримова Жұлдыз Ердаулетқызы, ОҚО Түлкібас ауданы, С.Сейфуллин атындағы орта мектептің 10А сынып оқушысы:

Бұл семинарға қатысудағы мақсатым, демократия туралы мәлімет алу, конституцияның мазмұнын білу, түрлі басқару жүйелерінің ішінде республикалық басқару жүйесінің ерекшеліктерін, негізгі қағидаларын түсіну.

Мен осы семинардан құқықтық және азаматтық қоғам деген не екенін біліп, олардың ұқсастықтары мен айырмашылығын білдім. Сонымен қатар орталық мемлекеттік органдар туралы толық мәлімет алдым.

Шынымды айтсам, семинарға қатысар алдында қорқыныш сезімінде болдым, бірақ келгеннен ұйымдастырушылар бізді жылы қарсы алып, еркін түрде бір-бірімізбен танысып, араласуымыз үшін жағдай жасады. Семинардан керемет әсер алдым.

Даутай Нұрсұлтан,ОҚО Түлкібас ауданы, И. Рыбалко атындағы орта мектептің оқушысы:

Семинарға қатысудағы мақсатым жаңа мәліметтер, қосымша білім алу.

Осы семинар барысында мен Қазақстан Республикасының конституциялық құрылымы, азаматтардың құқықтары мен міндеттері туралы көп ақпарат алдым.

Семинардан алған әсерім өте керемет, себебі семинардың өзі тамаша жерде өткізілді, сабақ өткен жаттықтырушылардың сабақ түсіндіру әдісінің өзі ерекше болды.

Әліпбай Бақыт, ОҚО Түлкібас ауданы, И. Рыбалко атындағы орта мектептің 10Б сынып оқушысы:

Семинар тақырыбын білмегендіктен нақты мақсатым болмады, бірақ берер тәрбиесі мол болады деген сеніммен келдім.

Семинар барысында мемлекетіміздің конституциялық құрылымы және Ата Заңымыз туралы терең білім алдым. Жаттықтырушылардың арқасында өз ойымды ашық, нақты жеткізуді үйрендім.

Семинар арқысында көп достар таптым және әлі де көп ізденіп, көп оқу керектігін түсіндім.

Ұйымдастырушыларға үлкен рахмет! Осындай семинарлар жиі өткізіліп тұрса екен.