Әлеуметтану қорлар орталығы Түркістан қаласында «Қазақстан жастарын демократияға оқытуды жетілдіру» атты семинар өткізді

Главная » Жаңалықтар » Әлеуметтану қорлар орталығы Түркістан қаласында «Қазақстан жастарын демократияға оқытуды жетілдіру» атты семинар өткізді
31.10.2016 16:08

Әлеуметтану қорлар орталығы Түркістан қаласында

«Қазақстан жастарын демократияға оқытуды жетілдіру»

атты семинар өткізді

2016 жылдың 28 қазанындаӘлеуметтану қорлар орталығы Германия Федеративті Республикасы елшілігінің және ОҚО білім басқармасының қолдауымен Түркістан қаласында «Қазақстан жастарын демократияға оқытуды жетілдіру»атты семинар өткізді.

Семинарға Түркістан қаласының үш орта мектібінен, атап айтқанда, М.Жұмабаева атындағы № 15 мектеп-гимназия, Ататүрік атындағы № 17 мектеп-гимназия, Абай атындағы № 31 мектеп, жиырма алты оқушы қатысты.

Аталған іс-шараның мақсаты жастардың құқықтық білім алуын қамтамасыз ету, құқықтық насихаттау, көшбасшылық қасиеттерді бойларына сіңіру болып табылады.

Семинар өз мақсатына жетті деп ойлаймыз, себебі қатысушылар мемлекетіміздің Конституциялық құрылымын, өздерінің құқықтары мен бостандықтарын білді. Сонымен қатар тәжірибелі жаттықтырушылар «Конституция негіздері», «Толеранттық», «Қақтығыс және оны шешу жолдары. Медиация», «Мультикультурализм» тақырыптарында сабақ өтті, және Конституция негіздері бойынша брейн-ринг ұйымдастырды.

Семинар барысында қатысушылар семинар аясында таңдаған тақырыптарға презентациялар, коллаждар жасап, оларды көпшілікке ұсынып таныстырды, және ситуациялық жағдайларды шешу үшін нормативтік – құқықтық актілермен жұмыс жасады.

Семинар қорытындысы бойынша қатысушылардың барлығына арнайы сертификаттар тапсырылды.

Семинар соңында қатысушылар семинардан алған әсерлерімен бөлісіп, біздің бірнеше төменде келтірілген сұрақтарымызға жауап берді.

- Семинарға қатысудағы мақсатыңыз қандай?

- Семинар барысында не білдіңіз?

- Семинардан қандай әсер алдыңыз?

Урумова Тогжан, Ататүрік атындағы № 17 мектеп-гимназиясының оқушысы, Түркістан қ.:

Семинардан жаңа таныстар, жана мәліметтер және жаңа мүмкіндіктер күттім.

Осы семинардан жеке тұлға ретінде, ҚР азаматшасы ретінде өз құқықтарым мен міндеттерімді, және олардың мемлекетпен қандай байланысы бар екенін білдім.

Осы семинардан алған әсерім, біріншіден қатысқаным үшін қуаныш, екіншіден білімді және интеллектуалды адамдардың арасында болғаным үшін абырой, үшіншіден өтілген сабақтарда қолданылған жаңа технологиялар мен әдістердің қызықтылығына таңданыс.


Тәжімұрат Әсем, М.Жұмабаева атындағы № 15 мектеп-гимназиясының 10 «Д» сынып оқушысы, Түркістан қ.:

Мен семинардан Президенттің «100 нақты қадам» жолдауының мәнісі неде екенін және де бұл жолдаудың біздің демократия жолында дамуымызға қандай көмегі барын түсінгім келді.

Семинардан мен өзімді мазалаған сұрақтарыма жауаптарды толығымен алдым, және де адамның жақсы тұлға болып қалыптасуына қандай факторлар әсер ететінін, адам өзінің құқығын толығымен біле ме немесе өзінің құқығын білудің қандай маңызы бар деген көкейтесті мәселелердің түйінін осы семинардан білдім.

Семинарда бұдан өзге те түйінді әрі қызықты тақырыптар көп болды.Соның ішінде маған қатты ұнағаны «Адам және азамат»,«Қазақстан Республикасы қандай мемлекет?»,«Бала құқығы-асыл қазына» атты тақырыптардың ішіндегі қаралған мәселелер мен оған берілген жауаптар.

Семинардан мен өте керемет әсер алдым.Мен өзіме беймәлім болған ақпараттарды бойыма сіңіріп, демократия туралы ойымды әрі қарай жетілдірдім.Мен өмірге басқаша көзқараспен қарауды үйрендім десем де болады.